អ្នកខ្លះមិនបង្កើតសុបិនដោយសារតែខ្លាចការរិះគន់ សើចចំអកឡកឡឺយពីអ្នកដទៃ។តើ! ចុះហេតុអ្វីបានជាយើងត្រូវខ្លាចការសើចចំអកពីជនទាំងនោះ? ការពិតទៅអ្នកដែលគួរឱ្យអាណិតគឺពួកគេទៅវិញទេ ព្រោះតែពួកគេកំពុងតែរស់នៅយ៉ាងខ្លះខ្ជាយ អត់ន័យ និងបំផ្លាញជីវិតខ្លួនឯង។ចង់ជោគជ័យក្នុងជីវិត គឺយើងត្រូវមានសុបិន។ ផ្តើមពីការមានសុបិនគឺយើងត្រូវកសាងសមត្ថភាព។ កាលបើយើងមានសមត្ថភាព យើងអាចធ្វើឱ្យសុបិនក្លាយជាការពិតបាន។

នៅពេលដែលសុបិនក្លាយជាការពិត តើអ្នកណាហ៊ានសើចចំអក ឬរិះគន់យើងទៀតនោះ?សូមកុំបញ្ឈប់សុបិនដោយសារពាក្យរិះគន់ឱ្យសោះ។ បើដូច្នោះមានឈ្មោះថា ជាមនុស្សខ្សោយ។ មនុស្សខ្សោយតែងតែបណ្តោយឱ្យចោរលួចសុបិន។ បើត្រឹមតែសុបិនការពារមិនបានផង តើទៅសម្រេចសុបិនយ៉ាងម៉េចកើត? បើគេចមិនផុតទេ ស្តាប់ចុះការរិះគន់ តែកុំធ្វើតាមការរិះគន់ឱ្យសោះព្រោះជីវិតយើងមានតែមួយ។ យើងត្រូវរស់នៅក្នុងជីវិតរបស់យើង។ កុំយកដួងព្រលឹងយើងទៅច្រកក្នុងជីវិតអ្នកដទៃ។ កុំយកដួងព្រលឹងអ្នកដទៃមកច្រកក្នុងជីវិតរបស់យើង។

អត្ថបទដោយ: On Hinnakhim