គេថាមនុស្សប្រុស ត្រូវតែស្មោះត្រង់ចំពោះជីវិតគូ មានប្រពន្ធមួយគឺគ្រប់គ្រាន់ហើយ តែវាមិនដូច្នឹងទេ កើតមកជាកូនប្រុស យ៉ាងហោចណាស់ ក៏គួរតែរកប្រពន្ធល្អ ត្រឹមត្រូវ យ៉ាងហោចឱ្យបានបី ទើបប្រសើរ។

តើប្រពន្ធបីនោះ មានន័យថាយ៉ាងម៉េច? ត្រូវឱ្យប្រពន្ធមករស់នៅជាមួយគ្នា ទាំងឈឺចាប់ឈឺចិត្ត ស្នេហាត្រីកោណ ចតុកោណហ្នឹងមែនទេ? មិនមែនទេ ពាក្យថា ប្រពន្ធបី ពុំបានសំដៅដល់ ប្រពន្ធដែលជាមនុស្សស្រីបីនាក់នោះឡើយ តែពាក្យថា ប្រពន្ធបីនេះ គេចង់សំដៅដល់ ៖

ក្នុងនាមជាមនុស្សប្រុស ជាកូនប្រុស អនាគតជាស្វាមី ជាឪពុក ជាអ្នកទំនុកបម្រុងក្នុងគ្រួសារ ចំណេះដឹង ឬការមានជំនាញច្បាស់លាស់ គឺជារឿងដែលចាំបាច់បំផុត ព្រោះអ្នក ជាអ្នកដែលត្រូវរ៉ាប់រង ក្នុងជីវិតគ្រួសារទាំងមូល បើអ្នកមិនមានចំណេះដឹង ឬជំនាញអាចប្រកបរបរទទួលទានណាមួយនោះទេ អ្នកក៏មិនអាចផ្ដល់ភាពស្រណុកសុខស្រួល ផ្ដល់ភាពទឺពឹងរឹងមាំ ដើម្បីដឹកនាំគ្រួសារអ្នកបានដែរ។ ចំណេះដឹង គឺជាស្ពាន ដើម្បីចម្លងអ្នកឱ្យមានជីវីតគាប់ប្រសើរ មិនលំបាកវេទនា នៅក្នុងជីវិត។

ទោះបើអ្នកមានទ្រព្យ ក៏មិនអាចពឹងលើទ្រព្យមួយជីវិតនោះដែរ ហើយក៏កាន់តែពិបាកនឹងឲ្យកូនចៅយកអ្នកធ្វើជាគំរូទៅថ្ងៃខាងមុខ។ បើថារៀនសូត្រមិនបានខ្ពស់ ក៏គួររស់នឹងជំនាញច្បាស់លាស់ណាមួយ ល្មមអាចជួយបង្កើន ឬធ្វើឲ្យប្រសើរឡើងនូវកម្រិតជីវភាពរបស់អ្នក។

ជាការពិតណាស់ មានការងារ មានមុខរបរ ទើបមានចំណូលសម្រាប់ទ្រទ្រងក្នុងជីវិត មិនថាអ្នកនៅម្នាក់ឯង ឬអ្នកមានគ្រួសារទេ អ្នកត្រូវតែមានការងារមួយឱ្យនឹងធឹង ទើបអ្នកមិនបាច់ត្រូវខ្វល់ចិត្ត គិតច្រើនថាអ្នក នឹងខ្វះខាតលុយកាក់។

ជាចាំបាច់ ការងារ ការលើកមុខមាត់ ការលើកកិត្តិយសសម្រាប់អ្នក និងក្រុមគ្រួសារអ្នកដែរ បើអ្នកគ្មានការងារ អ្នកក៏នឹងគ្មានប្រាក់ចំណូល បើអ្នកគ្មានប្រាក់ចំណូលអ្នកនឹងក្រ បើអ្នកក្រ គេនឹងមើលងាយអ្នក កុំថាអ្នកដទៃ សូម្បីបងប្អូនអ្នក ក៏មើលងាយអ្នកថា ជាមនុស្សគ្មានកំណើតដែរ។

អ្នកណាៗក៏ត្រូវតែមានគូ ហើយគ្រប់គ្នាប្រាកដជាចង់បានគូជីវិតដែលល្អហើយ ដូច្នេះ ក្នុងនាមជាកូនប្រុស អ្នកត្រូវរកប្រពន្ធទីមួយ ប្រពន្ធទីពិរជាមុនសិន ទើបអ្នកអាចរកប្រពន្ធទីប នេះបានល្អ តែបើអ្នកគ្មានទីមួយ គ្មានទីពីរ អ្នកក៏មិនគួរមានប្រពន្ធទីបីដែរ ព្រោះអ្នកនឹងកាន់តែលំបាក ដុនដាបក្នុងជីវិត ថាមិនត្រូវអាចទាញនារីដែលអ្នកស្រលាញ់ ឲ្យមករស់នៅក្នុងជីវិតមិនសមប្រកប ទាំងដែលគេបានសម្រេចចិត្តព្រមដើរចេញ ពីរង្វង់នៃការមើលថែរបស់ម្តាយឪពុក។

ការយកប្រពន្ធទីបីនេះ មិនមែនជារឿងងាយឡើយ ហើយបើអ្នកអាចរកបានប្រពន្ធទីបីនេះ ជាឧត្តមភរិយាពិតប្រាកដហើយ នោះជីវិតអ្នកនឹងកាន់តែរីកលូតលាស់ ដុះដាល ភ្លឺត្រចេះត្រចង់ជាក់ជាមិនខាន៕

រក្សាសិទ្ធដោយ៖ Knongsrok