
TA X2
· 2024-04-03
អង់គ្លេសជំរុញឲ្យអ៊ីស្រាអែលស៊ើបអង្កេតការស្លាប់របស់បុគ្គលិកផ្ដល់ជំនួយ នៅតំបន់ហ្កាហ្សា
#តំបន់ហ្កាហ្សា# #ព័ត៌មាន# #អ៊ីស្រាអែល# #ព័ត៍មានអន្តរជាតិ#
5963
នាយករដ្ឋមន្ត្រីអង់គ្លេស លោក Rishi Sunak នៅថ្ងៃអង្គារ (ទី២ ខែមេសា) នេះ បានអំពាវនាវឲ្យអ៊ីស្រាអែល ស៊ើបអង្កេត និងផ្តល់ការពន្យល់ជាបន្ទាន់ បន្ទាប់ពីបុគ្គលិកផ្តល់ជំនួយ ក្នុងនោះរួមទាំងជនជាតិអង់គ្លេសផងដែរ ត្រូវបានសម្លាប់ នៅតំបន់ហ្កាហ្សា។

អង្គការមិនមែនរដ្ឋាភិបាលបានឲ្យដឹងថា ពលរដ្ឋមកពីប្រទេសអូស្ត្រាលី ចក្រភពអង់គ្លេស និងប៉ូឡូញ គឺស្ថិតក្នុងចំណោមមនុស្ស ៧នាក់បម្រើការឲ្យអង្គការ World Central Kitchen ដែលត្រូវបានសម្លាប់ក្នុងការវាយប្រហារតាមអាកាសរបស់អ៊ីស្រាអែល នៅភាគកណ្តាលតំបន់ហ្កាហ្សា កាលពីថ្ងៃចន្ទ (ទី១ ខែមេសា)។
លោក Sunak បាននិយាយថា លោកមាន «ការតក់ស្លុត និងសោកសៅ» ហើយរដ្ឋាភិបាលកំពុងធ្វើការជាបន្ទាន់ ដើម្បីផ្ទៀងផ្ទាត់រាល់ព័ត៌មានលម្អិតទាំងអស់។ លោកនាយករដ្ឋមន្ត្រីបានប្រាប់អ្នកសារព័ត៌មាន អំឡុងពេលបំពេញទស្សនកិច្ចនៅភាគឦសានប្រទេសអង់គ្លេសថា៖ «យើងកំពុងស្នើឲ្យអ៊ីស្រាអែលស៊ើបអង្កេតនូវអ្វីដែលបានកើតឡើងជាបន្ទាន់ ព្រោះច្បាស់ណាស់មានសំណួរដែលត្រូវការចម្លើយ»។
លោក Sunak បាននិយាយថា បុគ្គលិកផ្ដល់ជំនួយកំពុងធ្វើ «ការងារយ៉ាងអស្ចារ្យ» ដើម្បីជួយសម្រាលទុក្ខលំបាក នៅតំបន់ហ្កាហ្សា ដោយលោកបានបន្ថែមថា «ពួកគេត្រូវតែទទួលបានការអនុញ្ញាតឲ្យធ្វើការងារនោះ ដោយមិនមានការរារាំងនោះឡើយ។ ហើយនោះជាកាតព្វកិច្ចរបស់អ៊ីស្រាអែល ដែលត្រូវធានាថា ពួកគេអាចធ្វើការងារនោះបាន»៕
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
ការណែនាំពិសេស
កូនស្រីរស់ដោយសារគុណឪពុក បើឪពុកមាន៣យ៉ាងនេះកូនស្រីនឹងបានពរធំៗទៅថ្ងៃអនាគត
៣យ៉ាងដែលអ្នកមិនគួរនិយាយលេងសើចជាដាច់ខាត បើមិនចង់បាត់បង់គ្រប់យ៉ាង
ផ្ទុះដ៏កក្រើន នៅក្នុងក្រុងគៀវ ខណៈរុស្ស៊ី បើកការវាយប្រហារដោយមីស៊ីលជាច្រើនគ្រាប់
កំហុសដ៏ធំបំផុត ដែលយើងប្រើមនោសញ្ចេតនាខ្លាំងពេកនៅក្នុងរឿងស្នេហា ដោយមិនប្រើខួរក្បាលមកគិតពិចារណាឱ្យបានល្អ
យោបល់ទាំងអស់ (0)