
TA X2
· 2024-04-06
មេដឹកនាំ EU និងលោក Blinken សន្យាបន្តគាំទ្រដល់អាមេនី ចំពេលមានភាពតានតឹងក្នុងតំបន់
#Nikol Pashinyan# #ព័ត៌មាន# #សហភាពអឺរ៉ុប# #ព័ត៍មានអន្តរជាតិ#
2703
សហរដ្ឋអាមេរិក និងសហភាពអឺរ៉ុប (EU) នឹងបន្តគាំទ្រប្រទេសអាមេនី និងជនជាតិដើមអាមេនីពីតំបន់ជម្លោះ Nagorno-Karabakh (ណាហ្គ័រណូ-ការ៉ាបាក់) ដោយបណ្ដាមេដឹកនាំមកពីភាគីទាំង២ នៃមហាសមុទ្រអាត្លង់ទិកបានធ្វើការសន្យា នៅពេលពួកគេជួបជាមួយនាយករដ្ឋមន្ត្រីអាមេនី លោក Nikol Pashinyan នៅថ្ងៃសុក្រ (ទី៥ ខែមេសា) នេះ។

សូមរំលឹកថា ប្រទេសអាស៊ែបៃហ្សង់បានកាន់កាប់អតីតតំបន់ផ្ដាច់ខ្លួន Nagorno-Karabakh ក្នុងខែកញ្ញា ឆ្នាំ២០២៣ ដោយជំរុញឲ្យមានការភៀសខ្លួនក្នុងចំនួនដ៏ច្រើននៃពលរដ្ឋជនជាតិដើមតិចអាមេនីរបស់ខ្លួន ។
រដ្ឋមន្ត្រីការបរទេសអាមេរិក លោក Antony Blinken បាននិយាយថា៖ «យើងប្តេជ្ញាបង្កើនការគាំទ្ររបស់យើងបន្ថែមទៀត ចំពោះភាពធន់ខាងលទ្ធិប្រជាធិបតេយ្យ និងសេដ្ឋកិច្ចរបស់ប្រទេសអាមេនី»។ លោកបានបន្ថែមថា ទីក្រុងវ៉ាស៊ីនតោនកំពុងគាំទ្រកិច្ចខិតខំប្រឹងប្រែងរបស់ប្រទេសនេះ សម្រាប់សន្តិសុខស្បៀង ហេដ្ឋារចនាសម្ព័ន្ធឌីជីថល និងការធ្វើពិពិធកម្មវិស័យថាមពលរបស់ប្រទេស។
លោក Blinken បានបញ្ជាក់ទៀតថា៖ «ហើយយើងនឹងបន្តគាំទ្រជនជាតិដើមអាមេនី ១០០.០០០នាក់ដែលបានបង្ខំចិត្តផ្លាស់ទីលំនៅពីតំបន់ Nagorno-Karabakh។ នេះគឺជាសារៈសំខាន់នៃស្ថិរភាពរយៈពេលវែងរបស់ប្រទេសអាមេនី»។
គួរបញ្ជាក់ដែរថា ប្រទេសអាមេនី គឺជាសម្ព័ន្ធមិត្តសន្ធិសញ្ញារបស់រុស្ស៊ី និងជាដៃគូជិតស្និទ្ធបំផុតជាប្រពៃណីរបស់ទីក្រុងមូស្គូ នៅតំបន់ Caucasus ខាងត្បូង ប៉ុន្តែទំនាក់ទំនងរបស់ភាគីទាំង២ បានធ្លាក់ចុះយ៉ាងខ្លាំងក្នុងរយៈពេលប៉ុន្មានខែថ្មីៗនេះ។ ទីក្រុង Yerevan (យ៉េរ៉េវ៉ាន់) បានស្វែងរកការសាងទំនាក់ទំនងជាមួយលោកខាងលិច ដោយបន្ទោសរុស្ស៊ីថា បានបរាជ័យក្នុងការការពារខ្លួនពីអាស៊ែបៃហ្សង់ ដែលជាប្រទេសជិតខាង និងជាគូប្រជែងយូរអង្វែងរបស់ខ្លួន ក៏ដូចជាការផ្ដាច់ខ្លួនឲ្យនៅឆ្ងាយពីសង្គ្រាមរបស់ទីក្រុងមូស្គូ នៅអ៊ុយក្រែនផងដែរ៕
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
ការណែនាំពិសេស
រឿងសោកស្ដាយបំផុតទាំង៥ក្នុងជីវិត ជឿជាក់ថាមនុស្សគ្រប់គ្នាមានយ៉ាងហោចណាស់មាន១ចំណុចក្នុងនោះ
អាការៈអ្វីខ្លះ ដែលជាមូល ហេតុបង្កឲ្យ ឆ្អល់ពោះ
ទេសចរណ៍វប្បធម៌ ទេសចរណ៍ព្រិលទឹកកក និងទេសចរណ៍ក្រៅតំបន់រងាទទួលបានប្រជាប្រិយភាពយ៉ាងខ្លាំង
ដាក់រុក្ខជាតិបៃតង ៣ កន្លែងក្នុងផ្ទះ ជួយបណ្តេញវិញ្ញាណអាក្រក់ នាំសំណាង និងទ្រព្យសម្បត្តិ
យោបល់ទាំងអស់ (0)