
TA X2
· 2024-05-20
លោក ពូទីន អះអាងថា គ្មានផែនការដណើ្តមយកទីក្រុងខាគីវទេ ហើយបានរិះគន់ជំនួបកំពូលអ៊ុយក្រែន
#Vladimir Putin# #ព័ត៌មាន# #ព័ត៍មានអន្តរជាតិ#
4148
ប្រធានាធិបតីរុស្ស៊ី លោក វ្ល៉ាឌីមៀ ពូទីន (Vladimir Putin) បាននិយាយកាលពីថ្ងៃសុក្រថា ប្រទេសរុស្ស៊ីមិនមានផែនការបច្ចុប្បន្ន ដើម្បីដណ្តើមយកទីក្រុងខាគីវរបស់អ៊ុយក្រែនទេ ហើយគ្រាន់តែបង្កើតតំបន់ទ្រនាប់មួយ នៅក្នុងតំបន់នេះ ដោយសារតែការវាយប្រហារទៅលើតំបន់ Belgorod ដែលនៅជាប់នឹងប្រទេសរុស្ស៊ី។

លោកបានធ្វើការអត្ថាធិប្បាយរបស់លោកជាការឆ្លើយតបទៅនឹងសំណួររបស់អ្នកសារព័ត៌មានរដ្ឋរុស្ស៊ី នៅចុងបញ្ចប់នៃដំណើរទស្សនកិច្ចរយៈពេលពីរថ្ងៃរបស់លោក ទៅកាន់ប្រទេសចិន នៅទីក្រុងហាប៊ីន(Harbin)។
ការវាយប្រហារក្នុងខែនេះដោយទាហានរុស្ស៊ី និងរថពាសដែកឆ្លងកាត់ព្រំដែនចូលទៅក្នុងតំបន់ខាគីវ ភាគឦសាន បង្ហាញថា ទីក្រុងមូស្គូឥឡូវនេះ មានបំណងដណ្តើមយកទីក្រុងទី២ របស់អ៊ុយក្រែន ដោយបានបរាជ័យក្នុងការធ្វើដូច្នេះ នៅដើមសង្រ្គាមជាងពីរឆ្នាំមុន។
លោកពូទីន ក៏បានរិះគន់កិច្ចប្រជុំកំពូលសន្តិភាពអ៊ុយក្រែន ដែលបានគ្រោងទុកនៅខែក្រោយ នៅប្រទេសស្វ៊ីសថា ជាកិច្ចប្រឹងប្រែង ដើម្បីដាក់លក្ខខណ្ឌលើប្រទេសរបស់លោក ដើម្បីបញ្ចប់ជម្លោះនេះ។
លោកបាននិយាយជាមួយប្រធានាធិបតីចិន លោក ស៊ី ជីនពីង ( Xi Jinping) អំពីប្រតិបត្តិការក្នុងប្រទេសអ៊ុយក្រែនថា លោក ពូទីន ដែលបានប្រកាន់ខ្ជាប់នូវការសម្រេចចិត្តរបស់លោក ក្នុងការវាយប្រហារប្រទេសជិតខាងរបស់រុស្ស៊ី ទោះបីជាមានការខាតបង់ដ៏ច្រើនដល់ប្រទេសទាំងពីរក៏ដោយ។
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
ការណែនាំពិសេស
អាមេរិក ពិចារណាអំពីការបញ្ជូនទីប្រឹក្សាយោធាបន្ថែមទៅអ៊ុយក្រែន ខណៈដែលរុស្ស៊ី ព្យាយាមបង្កើនការវាយលុក
រុស្ស៊ីអះអាងពីការរុលចូលទៅមុខ នៅជិតទីក្រុង Chasiv Yar ខណៈដែលអ៊ុយក្រែន ត្រៀមទទួលជំនួយថ្មី
សម្ព័ន្ធមិត្តរបស់លោក ពូទីន៖ សហភាពអឺរ៉ុប មានពុតត្បុតចំពោះការហាមប្រាមប្រព័ន្ធផ្សព្វផ្សាយរុស្ស៊ី
មេដឹកនាំអ៊ីរ៉ង់ មិននិយាយសំដៅទៅលើការសងសឹករបស់អ៊ីស្រាអែលនោះទេ
យោបល់ទាំងអស់ (0)