TNAOT News

· 01-25

នៅថ្ងៃចូល​ឆ្នាំ​ចិនតើ​ត្រូវ​ឲ្យ​អាំង​ប៉ាវអ្នក​ណា​ខ្លះ ហើយអាំងប៉ាវមានន័យដូចម្តេច?

#​អាំង​ប៉ាវ# #​បុណ្យ​ចូល​ឆ្នាំ​ចិន# #NEW NEWS# #ព័ត៌មាន# #អ្នក​ណា​ខ្លះ# #ឪពុកម្តាយ# #ព័ត៍មានអន្តរជាតិ#

4697

អាំងប៉ាវ ដែលជាភាសាចិនហៅថា “Hongbao” គឺជាលុយដែលគេដាក់ក្នុងកញ្ចប់ពណ៌ក្រហម ហើយប្រគល់ទៅអោយកូនចៅពីសំណាក់ចាស់ទុំ ដែលជាប្រពៃណីរបស់ប្រជាជនចិនតាំងពីបុរាណកាលមកម្លេះ។

តាម​ពិត​ទៅ សារ​សំខាន់​នៃ​អាំងប៉ាវ គឺ​ស្ថិត​នៅ​លើ​ក្រដាស​ពណ៌​ក្រហម មិន​មែន​លុយ​ដែល​នៅ​ខាង​​ក្នុង​ទេ។ ការ​ដាក់​លុយ​នៅ​ក្នុង​ស្រោម​សំបុត្រ​ពណ៌​ក្រហម គឺ​មាន​ន័យ​ថា ផ្ដល់​សេចក្ដី​សុខ​សប្បាយ និង​ជា​ការ​ជូនពរ​ដល់​អ្នក​ទទួល។ តាមប្រពៃណីទំនៀមទម្លាប់ចិន ប្រសិនបើអ្នកចាប់ផ្ដើមរកលុយបានហើយ នោះជាពេលវេលាដែលអ្នកត្រូវចាប់ផ្ដើមបទពិសោធន៍នៃការចែកអាំងប៉ាវឲ្យគេហើយ។ ប៉ុន្តែ ចិនក៏មានទម្លាប់មួយទៀតដែរ គឺថា ប្រសិនបើអ្នកមិនទាន់រៀបការទេ អ្នកមិនចាំបាច់ចែកអាំងប៉ាវឲ្យគេនោះទេ។

 

ទន្ទឹមនោះ ក៏មានសាច់ញាតិជិតស្និទ្ធ ដូចជាឪពុកម្តាយ និងជីដូនជីតា នឹងបន្តផ្តល់អាំងប៉ាវដល់អ្នក ទោះជាអ្នករៀបការហើយក៏ដោយ ដែលជានិមិត្តសញ្ញានៃក្តីស្រឡាញ់ និងជាការជូនពរជ័យរបស់ពួកគេ។ចំពោះអ្នកដែលត្រូវឲ្យអាំងប៉ាវមានដូចជា ទី១. ចំពោះមនុស្សចាស់ជាងអ្នក ទី២. ចំពោះមនុស្សក្មេងជាង ដូចជា កូនៗរបស់មិត្តភក្ដិ សាច់ញាតិ និងសហការីរបស់អ្នក ទី៣. ចំពោះកូនៗរបស់អ្នក ទី៤. ចំពោះបុគ្គលិកនិយោជិតរបស់អ្នក ទី៥. ចំពោះកូនចៅរបស់អ្នកស្គាល់គ្នា ដែលអ្នកអាចនឹងជួបនៅក្នុងអំឡុងពេលបុណ្យចូលឆ្នាំចិនជាដើម៕ 

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និង​គោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។

យោបល់ទាំងអស់ (0)

ការណែនាំពិសេស