ក្នុងថ្ងៃទី១នៃព្រះរាជពិធីបុណ្យអុំទូក បណ្ដែតប្រទីប អកអំបុកសំពះព្រះខែ ខេត្តបាត់ដំបង ទទួលបានភ្ញៀវទេសចរជាតិ និងអន្តរជាតិ មកទស្សនាកម្សាន្តជាង ៣០០០០នាក់។

មន្ទីរទេសចរណ៍ខេត្តបាត់ដំបងបានបង្ហាញស្ថិតិភ្ញៀវទេសចរមកទស្សនាកម្សាន្តក្នុងខេត្តបាត់ដំបង សម្រាប់ថ្ងៃទី១នៃព្រះរាជពិធីបុណ្យអុំទូក បណ្ដែតប្រទីប អកអំបុកសំពះព្រះខែ ត្រូវថ្ងៃទី៤ ខែវិច្ឆិកា ឆ្នាំ២០២៥ ដោយទទួលបានភ្ញៀវទេសចរសរុប ៣៣ ៨៨៧នាក់។ ក្នុងនោះ ភ្ញៀវទេសចរជាតិមានចំនួន ៣៣ ៦៣៥នាក់ និងទេសចរបរទេស ២៥២ នាក់។

គួរឲ្យដឹងដែរថា ខេត្តបាត់ដំបងមិនមានរៀបចំពិធី ប្រណាំងទូកក៏ពិតមែន ក៏មានភ្ញៀវទេសចរណ៍ជាតិ-អន្តរជាតិ បានកក់ទីតាំងស្នាក់នៅ តាមរីសត និងកន្លែងកំសាន្តផ្សេងៗ ស្ទើរពេញអស់ ក្នុងឱកាសបុណ្យ ព្រះរាជពិធីអុំទូក បណ្តែតប្រទីប និងសំពះព្រះខែ អកអំបុក រយៈពេលបីថ្ងៃ ចាប់ពីថ្ងៃទី ០៤ ដល់ ០៦ ខែវិច្ឆិកា ឆ្នាំ២០២៥ នេះ បើតាមមន្ទីរទេសចរណ៍ ខេត្តបាត់ដំបង៕